श्रीरामपूरमधील अवैद्य धंदे, मटका व पत्त्याचे क्लब चालवणाऱ्यांवर कायदेशीर कारवाई करून जिल्ह्यातून तडीपार करण्याची जिल्हाध्यक्ष बाबासाहेब शिंदे यांची मागणी

श्रीरामपूर प्रतिनिधी / विट्ठल ठोंबरे : श्रीरामपूर शहर हद्दीतील अवैद्य धंदे,मटका व पत्त्याचे क्लब चालवणाऱ्या लोकांवर कायदेशीर कारवाई करून त्यांना त्वरित नगर जिल्ह्यातून तडीपार करण्यात यावे चिरीमिरी घेऊन यांना सहकार्य करणाऱ्या पोलीस कर्मचाऱ्यांवर निलंबनाची कारवाई करण्यात यावी यासाठी श्रीरामपूर येथील गांधी पुतळा समोर मनसे जिल्हाध्यक्ष बाबासाहेब शिंदे, तालुकाध्यक्ष डॉक्टर संजय नवथर, शहर अध्यक्ष सतीश कुदळे, मनसे शेतकरी सेना तालुकाध्यक्ष अमोल साबणे, मनसे रोजगार सेना तालुकाध्यक्ष नितीन जाधव, हे उपोषणाला बसले आहेत.

याप्रसंगी जिल्हाध्यक्ष बाबासाहेब शिंदे म्हणाले की, श्रीरामपूर शहर पोलीस स्टेशन हद्दीत म्हणजेच श्रीरामपूर शहरातील मिल्लतनगर येथे मोठ्या प्रमाणात पत्याचे क्लब चालू आहे. तसेच वार्ड नं. १ ते वार्ड नं. ७ या प्रत्येक वार्डामध्ये व बेलापूर गावामध्ये व आजुबाजुतील गावांतमध्ये देखील चालू आहे. श्रीरामपूर शहरामध्ये खुलेआम पने टपर्‍या मध्ये मुंबई कल्याण नावाने व इतर नावाने विविध आकडे लावून मटका राजरोस चालू आहे. या पत्याच्या क्लब मध्ये व मटका (आकडे) खेळायला येणाऱ्या लोकांना जास्त पैसे कमवुन लवकर श्रीमंत होण्याचे अमिश दाखवुन मटका खेळण्यास भाग पाडुन हजारो कुटुंब बरबाद करुन त्याची घरे उध्वस्त केली आहेत.त्यांना बेघर करुन संसार संपवण्याचे पाप या मटका व पत्याचे क्लब मालक यांनी केले आहे.त्यांच्या विरुद्ध कार्यवाही करुन त्यांना त्वरीत नगर जिल्हयातुन तडिपार करण्यात यावे.

श्रीरामपूर तालुक्यात किंवा नगर जिल्ह्यात राहिल्यास त्यांचा हा अवैद्य व्यवसाय चालूच राहील व असेच अन्याय या जनतेवर होतं राहतील म्हणून या लोकांवर कार्यवाही होणे गरजेचे आहे.या लोकांवर पोलिसांचा वचक (दबाव ) तयार करावे कारण की पत्याचा क्लब मालक व मटका मालक हे लोकांना सांगतात की आम्ही दोन पोलीस कर्मचार्‍यांच्या माध्यमातून श्रीरामपूर शहर पोलीस निरिक्षक व त्यांचे वरिष्ठ सर्व अधिकाऱ्यांना हप्ते देतो. त्या मुळे आमच्यावर कार्यवाही होऊ शकत नाही. व कोणी आमच्या विरोधात आवाज उठवले तर त्यांना आम्ही संपून टाकू, आमच्याकडे विविध गुन्हेतील गुन्हेगार आहेत व या गुन्हेगारांना पण आम्ही पैसे देऊन मदत करत असतो आणि जे गुंडागर्दीला घाबरणार नाही अशा लोकांना खोट्या गुन्ह्यात अडकवून टाकू असे अनेकांना वयक्तिक मध्ये सांगितले आहे. त्यामुळे आमच्या जिवाचे बरे वाईट झाले तर पत्याचा क्लब मालक व मटका (आकडे) मालक व यांना सहकार्य करणारे ते दोन पोलीस कर्मचारी जबाबदार राहातील याची आपण गंभीर्याने नोंद घ्यावी.

कारण अनेक लोकांनी सांगितले की विविध गुण्यातील आरोपींना सोडवण्यासाठी ते रोजच पोलीस स्टेशनमध्ये असतात. अनेक आरोपींना पोलीस स्टेशन मधून हे सोडून घेऊन जातात त्यामुळे विविध गुन्ह्यातील आरोपीं बरोबर या लोकांचे हितसंबंध आहेत असे अनेकांनी आम्हाला सांगितले आहे. श्रीरामपूर शहर पोलीस स्टेशनमधील ते दोन पोलीस कर्मचारी आहेत जे मटका (आकडे) पत्याचे क्लब व इतर अवैध धंदे चालवणार्‍या लोकांनकडून पोलीस अधिकारी मॅनेज करुन देतो म्हणनू हप्ते घेतात व अवैध धंदे करणार्‍या लोकांना मदत करतात. अशा हप्ते खोर पोलीस कर्मचाऱ्यांमुळे पोलीस अधिकारी बदनाम होत आहे.त्या दोन भ्रष्ट पोलिस कर्मचार्‍यांचे मोबाईलची तपासणी करण्यात यावी. म्हणजे आपल्या लक्षात येईल की पोलिस कर्मचारी कोण कोणत्या अवैध धंदे करणार्‍या लोकांच्या संपर्कात आहेत. व कोणत्या गुन्हेगाराला चिरीमिरी घेऊन मदत करतात हे सत्य देखील समोर येईल.

काही दिवसापूर्वी कोल्हार बाभळेश्वर रोडवरील अवैध धंदे करत , दादागिरी करून दहशत पसरविण्याचे काम करणाऱ्या मटका पत्त्याचे क्लब चालकांचे सगळे धंदे बंद पडले तर श्रीरामपूर तालुक्यामध्ये का बंद होऊ शकतं नाही असा सवाल तमाम श्रीरामपूर करांना पडलेला आहे. श्रीरामपूर शहरात वाढलेली गुन्हेगारी या अवैध रीतीने व्यवसाय करणाऱ्या लोकांमुळेच आहे. पोलिसांनी अवैद्य रीतीने व्यवसाय करणाऱ्या लोकांवर कारवाई करून श्रीरामपूरकरांना विश्वास मिळवून द्यावा की पोलीस गुन्हेगारांच्या बाजूने नाहीत तरच सामान्य नागरिक व त्यांचे परिवार सुखात राहतील.लोकांना श्रीरामपूर शहर सुरक्षित वाटत नसल्याने व या अवैध रीतीने चालणाऱ्या व्यवसायाकडून नागरिकांना त्रास होत असल्याने आम्ही सर्व श्रीरामपूरकर व आसपासचे गाव सुरक्षित नाही म्हणून २९/६/२०२४ रोजी अप्पर पोलीस अधिक्षक, उपविभागीय पोलिस अधिकारी, पोलीस निरिक्षक, यांना निवेदन देऊन कार्यवाही करण्यात यावी अशी विनंती केली होती.

परंतु आमच्या निवेदनाची दखल न घेतल्याने आम्ही दिनांक ९/७/२०२४ रोजी सकाळी 11:00 वाजता श्रीरामपूर येथील गांधी पुतळ्यासमोर उपोषणास बसलो आहे. जोपर्यंत गोरगरिब जनतेच्या आर्थिक फसवणूक करणाऱ्या पत्याचे क्लब मालक व मटका (आकडे) मालक, अवैद्य धंदे मालक यांच्या विरुद्ध ठोस पाऊल उचलून कायदेशीर कार्यवाही करुन त्यांना नगर जिल्ह्यातुन तडिपार करणार नाही तोपर्यंत आम्ही मागे हटणार नाही. जर दोन ते तीन दिवसांमध्ये आमच्या उपोषणाची दखल न घेतल्यास नगर जिल्ह्यातील सर्व पदाधिकारी कार्यकर्ते संपूर्ण जिल्ह्यामध्ये विविध स्वरूपाचे तीव्र आंदोलन करतील मग होणाऱ्या परिणाम पोलीस प्रशासन जबाबदार राहील याची नोंद घ्यावी असे मनसे जिल्हाध्यक्ष बाबासाहेब शिंदे म्हणाले.

याप्रसंगी प्रविण रोकडे(जिल्हा संघटक) विलास पाटणी (उपजिल्हाध्यक्ष) डॉ. संजय नवथर (तालुकाध्यक्ष )सतिष कुदळे (शहराध्यक्ष), गणेश दिवसे (तालुकाध्यक्ष मनसे सहकार सेना )नितीन जाधव (तालुकाध्यक्ष मनसे रोजगार सेना )अमोल साबणे (तालुकाध्यक्ष मनसे शेतकरी सेना)
निलेश सोनवणे (तालुकाध्यक्ष मनसे रस्ते आस्थापना),प्रशांत गमले, संकेत शेलार,अतुल खरात, दीपक सोनवणे, राजीव जगताप, अक्षय काळे, सुरेश शिंदे, चेतन कांबळे, रवी शिंदे, रामा शिंदे, दीपक शिंदे, संदीप विशंभर, प्रमोद उंद्रे, विनोद शिरसाट, सुमित चौधरी, फिरोज सय्यद, अधिक कार्यकर्ते मोठ्या संख्येने उपस्थित होते.