राहुरी खुर्द येथील न्यु भरत हॉटेलवर वेश्या व्यवसायाचा पर्दाफाश, पिटा कायदयांतर्गत गुन्हा दाखल; स्थानिक गुन्हे शाखा व राहुरी पोलीस स्टेशनची संयुक्त कारवाई

राहुरी प्रतिनीधी / आर.आर. जाधव : मा.श्री.राकेश ओला साहेब, पोलीस अधिक्षक, अहिल्यानगर यांनी पोनि/श्री.दिनेश आहेर, स्थानिक गुन्हे शाखा, यांना जिल्ह्यातील अवैध धंद्याची माहिती काढुन अवैध धंद्याचे कारवाई करणेबाबत आदेश दिलेले आहेत. नमुद आदेशान्वये पोनि/श्री. दिनेश आहेर यांनी स्थानिक गुन्हे शाखेतील पोसई/ तुषार धाकराव पोलीस अंमलदार संदीप दरंदले, संतोष खैरे, विशाल तनपुरे, सारीका दरेकर तसेच रणजीत जाधव नेम. तपास पथक अहमदनगर यांचे पथक तयार करुन त्यांना अवैध धंद्याची माहिती काढुन कारवाई करणेबाबत सुचना देवुन पथकास रवाना केले होते. तपास पथक दिनांक 18/10/2024 रोजी राहुरी पोलीस स्टेशन हद्दीत अवैध धंद्याची माहिती काढत असतांना पोसई/तुषार धाकराव यांना गुप्त बातमीदारा मार्फत न्यु भरत हॉटेल, राहुरी ते नगर जाणारे रोडवर, राहुरी येथे एक इसम महिलाकरवी कुंटणखाना चालवित आहे. अशी खात्रीशीर माहिती मिळाल्याने तपास पथकाने सदरची माहिती पोनि/संजय ठेंगे यांना दिली.त्यानंतर तपास पथक व पोनि/संजय ठेंगे व पोलीस अंमलदार एकनाथ आव्हाड, विकास साळवे, जालींदर साखरे अशांचे संयुक्त पथक तयार करून छापा कारवाई करणेबाबत रवाना झाले.

तपास पथकाने न्यु भरत हॉटेल, राहुरी येथे चालणाऱ्या कुंटणखान्यावर खात्री करण्याकरीता पथकातील पोलीस अंमलदार बनावट ग्राहक म्हणुन पाठविले. तपास पथकाने नमूद हॉटेलमध्ये वेश्याव्यवसाय चालू असलेबाबत खात्री पटल्यानंतर पंचासमक्ष हॉटेलवर छापा टाकुन हॉटेलमधील इसम नामे विक्रम सुरेश विशनानी, वय 27, रा.तनपुरेवाडी, ता.राहुरी यास ताब्यात घेऊन पंचासमक्ष त्याची अंगझडती घेतली असता त्याचे ताब्यातुन 20,000/- रूपये किंमतीचा एक मोबाईल व 1,000/- रूपये रोख रक्कम असा एकुण 21,000/- रूपये किंमतीचा मुद्देमाल जप्त केला. विक्रम सुरेश विशनानी याचेसह हॉटेलची पाहणी करता हॉटेलच्या पहिल्या मजल्यावरील रूममध्ये 3 महिला मिळून आल्या आहेत.नमूद महिलाकडे विचारपुस करता त्यांनी आम्हास वेश्या व्यवसाय करून ग्राहकाकडून पैस घेऊन, त्यामधुन आम्हास पैस देतात व आमचेकडून वेश्याव्यवसाय करून घेतात. वेश्याव्यवसायातून मिळणाऱ्या पैशावर आमची उपजीविका चालते, अशी माहिती सांगीतली.नमूद पथकाने वर नमूद महिलांची सुटका केलेली आहे.

तपास पथकाने दिनांक 18/10/2024 रोजी 18.20 वा.न्यु भरत हॉटेल, राहुरी येथील छापा टाकुन केलेल्या कारवाईमध्ये आरोपी नामे 1) विक्रम सुरेश विशनानी, वय 27, रा.तनपुरेवाडी, ता.राहुरी, जि.अहमदनगर 2) फराद अहमद सय्यद, वय 38, रा.राहुरी, ता.राहुरी, जि.अहिल्यानगर हे स्वत:चे आर्थिक फायदयाकरीता 3 महिलांकडून कुंटणखाना चालवून त्यावर आपली उपजिवीका करताना मिळून आलेले आहे. आरोपी नामे 1) विक्रम सुरेश विशनानी, वय 27, रा.तनपुरेवाडी, ता.राहुरी, जि.अहमदनगर 2) फराद अहमद सय्यद, वय 38, रा.राहुरी, ता.राहुरी, जि.अहिल्यानगर यांचेविरूध्द मपोकॉ/सारीका नारायण दरेकर, नेम.स्थानिक गुन्हे शाखा, अहिल्यानगर यांनी दिलेल्या फिर्यादीवरून राहुरी पोलीस स्टेशन गुरनं 1102/2024 स्त्रिया व मुली यांचे अनैतिक व्यापारास (प्रतिबंध) कायदा 1956 चे कलम 3, 4, 5, 7, 8 प्रमाणे गुन्हा दाखल करण्यात आला असून पुढील तपास राहुरी पोलीस स्टेशन करीत आहेत. सदरची कारवाई मा. श्री. राकेश ओला साहेब, पोलीस अधीक्षक, अहिल्यानगर, श्री. वैभव कलुबर्मे साहेब, अपर पोलीस अधिक्षक, श्रीरामपूर, मा.श्री.बसवराज शिवपुजे साहेब, श्रीरामपूर विभाग यांचे सुचना व मार्गदर्शना खाली स्थानिक गुन्हे शाखेचे पोलीस अधिकारी व अंमलदार यांनी केलेली आहे.