सोनई पोलीस ठाणे आगामी विधानसभा निवडणुकीसाठी सज्ज, निर्भयपणे आपला मतदानाचा हक्क बजावण्याचे नागरिकांना आवाहन

दिशाशक्ती सोनई /ज्ञानेश्वर सुरशे : दि.02/11/2024 रोजी 09.30 ते 12.30 वा. दरम्यान आगामी विधानसभा निवडणूक- 2024 नेवासा 221 मतदार संघात व सोनई पोलीस ठाणे हद्दीत निर्भय व पारदर्शक वातावरणात निवडणूक पार पडण्याच्या उद्देशाने सोनई पो स्टे हद्दीतील मौजे सोनई, घोडेगाव, चांदा, या गावातील मुख्य रस्ते, बाजारपेठा, संवेदनशील व गर्दीच्या ठिकाणी सोनई पोलीस स्टेशनचे सपोनि विजय माळी, 02 पोलीस अधिकारी , 10 पोलीस अंमलदार तसेच सी.आर.पी.एफ . चे 3 पोलीस अधिकारी व 35 जवानांनी रूट मार्च काढून पोलीस यंत्रणा निवडणुकीसाठी सज्ज असल्याचा संदेश नागरिकांना देण्यात आला.

सर्व नागरिकांनी मोठ्या संख्येने व निर्भयपणे आपला मतदानाचा हक्क बजावून लोकशाहीच्या या उत्सवात आपले योगदान पार पाडण्याचे आव्हान पोलीस यंत्रणेमार्फत करण्यात आलेले आहे.