तुळजापूर तालुक्यातील फुलवाडी येथील जागृत देवस्थान असलेल्या श्री नागनाथ महाराज यात्रेस उद्या पासून सुरुवात

अणदूर प्रतिनिधी / चंद्रकांत हगलगुंडे : तुळजापूर तालुक्यातील फुलवाडी येथील जागृती देवस्थान म्हणून प्रसिद्ध व अनेकांचे श्रद्धास्थान असलेल्या श्री नागनाथ महाराज यात्रेस आज रविवारी (दि.१) पासून सुरुवात होत आहे.यानिमित्ताने दोन दिवस विविध धार्मिक विधी व कार्यक्रमाचे आयोजन करण्यात आले आहे.

यात रविवारी (दि.१) पहाटे ४ ते ९ यावेळेत श्री च्या मूर्तीस अभिषेक, महापूजा, महाआरती दिवसभर नवस फेडणे,दण्डवंत घेणे आदी कार्यक्रम असतील. सायंकाळी ६ ते १० यावेळेत ‘श्री’ ची पालखी मिरवणूक व मानाच्या नंदीध्वजची मिरवणूक तर रात्री १० वाजता भजनाचा व भारुडाचा कार्यक्रम होणार आहे. सोमवारी (दि.२) सकाळी ७ वाजता ‘श्री’ ची पालखी मिरवणूक, नंदीध्वज मिरवणूक व अग्नी प्रवेश कार्यक्रम होणार आहेत.यात्रेच्या दोन्ही दिवशी महाप्रसादाचे व्यवस्था करण्यात आली आहे.यात्रेनिमित्ताने मंदिर रंगरंगोटी व मंदिर परिसरावर आकर्षक विद्युत रोषणाई करण्यात आली आहे. यात्रेकरूंच्या सोयीसाठी ग्रामपंचायत कार्यालय,नागनाथ महाराज कमिटी व ग्रामस्थ परिश्रम घेत आहेत.