प्रतिनिधी / रमेश खेमनर : महात्मा फुले कृषि विद्यापीठ, राहुरी व कृषि विभाग, महाराष्ट्र शासन यांच्या संयुक्त विद्यमाने सन 2023 आंतरराष्ट्रीय पौष्टिक तृणधान्य वर्षानिमित्त कृषि विद्यापीठाच्या ज्वारी सुधार प्रकल्प येथे शुक्रवार दि. 27 जानेवारी, 2023 रोजी आंतरराष्ट्रीय पौष्टिक तृणधान्य वर्ष व शिवार फेरी आणि चर्चासत्राचे आयोजन करण्यात आले आहे. कुलगुरू डॉ. पी. जी. पाटील यांच्या अध्यक्षतेखाली होणाऱ्या या कार्यक्रमाला महाराष्ट्र राज्याच्या आदर्श गाव संकल्प प्रकल्प समितीचे कार्याध्यक्ष पद्मश्री डॉ. पोपटराव पवार व महाराष्ट्र राज्याचे कृषि आयुक्त श्री. सुनील चव्हाण (भाप्रसे) हे प्रमुख पाहुणे म्हणून उपस्थित राहणार आहेत.
याप्रसंगी रब्बी पिकांचे पीक प्रात्यक्षिके व कृषि प्रदर्शन भरविण्यात येणार असून चर्चासत्राचे आयोजन करण्यात आले आहे. पीक प्रात्यक्षिकांमध्ये रब्बी पिकांचे 18 वाण, भाजीपाला पिकांचे 18 वाण व हरभर्याचे 6 वाण असे एकुण 42 विविध पिकांच्या प्रात्यक्षिकांचे आयोजन करण्यात आले आहे. तरी या कार्यक्रमाचा लाभ शेतकरी बंधूंनी घ्यावा असे आवाहन विद्यापीठाचे संशोधन संचालक डॉ. सुनील गोरंटीवार यांनी केले आहे.
