पतीचा खून करून पाय घसरुन पडून मृत्यु झाल्याचा बनाव करणारी पत्नी गजाआड ; पतीच्या डोक्यात रॉड मारुन खुनाच्या घटनेचा श्रीरामपूर शहर पोलीसांकडून 24 तासांत उलगडा

विशेष प्रतिनिधी / इनायत अत्तार : दिनांक 01/01/2024 रोजी पहाटे 05/45 वा.सुमारास इसम नामे संजय गवुजी भोसले, वय 40 वर्षे, रा. अतिथी कॉलनी, वार्ड नं.01, श्रीरामपूर हे त्याचे राहते घराच्या पायरीवरुन पाय घसरुन पडल्याने त्यांच्या डोक्यास मार लागुन मृत्यू झाला वगैरेच्या माहितीवरुन आ.मू.नं. 01/2024 सी.आर.पी.सी. कलम 174 प्रमाणे दाखल करण्यात आला.

सदर मयत इसमाच्या मृत्यूबाबत पोलीस पथकास संशय आल्याने, सदर घटनास्थळाची पाहणी करुन, मयताच्या डोक्यास झालेल्या जखमाबाबत डॉक्टारांनकडुन माहिती घेतली असता सदरच्या जखमा पायरीवरुन पाय घसरुन पडुन झालेल्या नसुन त्या शस्त्राने झाल्याचे सांगितल्याने सदर मयताची पत्नी संगिता संजय भोसले, वय 38 वर्षे, धंदा- नर्स, रा. अतिथी कॉलनी, वार्ड नं. 01, श्रीरामपूर हिला मयताचा अत्यंविधी कार्यक्रम झाल्यानंतर तात्काळ ताब्यात घेवुन पोलीस स्टेशन येथे आणुन तिच्याकडे तपास केला असता तिने सुरुवातील उडवाउडवीची उत्तरे दिली परंतु तिला अधिक विश्वासात घेवुन तिच्याकडे सखोल तपास केला असता तिने सांगितले की, माझे पती हे मला दारु पिवुन नेहमी त्रास देत व माझ्यावर संशय घेत असत त्यामुळे आमच्यात नेहमी वाद होत होते. दिनांक 31/12/2023 रोजी वर्षातील शेटवचा दिवस असल्याने माझे पती खुप जास्त दारु पिले होते व ते मला माझ्या मुलासमोर सारखी शरीर संबंधाची मागणी करत होते. मी नकार दिल्याने माझ्यावर संशय घेवुन मला शिवीगाळ करत होते. पहाटे 05/45 वा. सुमारास ते पुन्हा शरीर संबंधाची मागणी करायला लागले व मी नकार दिल्याने त्यांनी माझ्याशी भांडण केले.

मी त्यांच्या नेहमीच्या भांडणाला कंटाळून ते लघुशंके करीता बाहेरील वरंड्यात उभे राहिले असता मी त्यांना ढकलुन दिले व ते खाली पडले तेव्हा त्यांच्या कामाच्या पिशवी मध्ये असलेला टॉमी सारखा रॉड काढुन रागाच्या भरात त्यांच्या डोक्यात पाच सहा वार केले. त्यामध्ये त्याचे डोके फुटुन रक्तस्त्राव होवुन त्यातच त्यांचा मृत्यू झाला. अशी हकिगत सांगितल्याने सदर आ.मू. वरुन श्रीरामपूर शहर पोलीस स्टेशन येथे गुरंन. 03/2024 भादंवि कलम 302 प्रमाणे गुन्हा दाखल करुन सदर गुन्हयात आरोपी पत्नीस तात्काळ अटक करण्यात आली व सदरचा गुन्हा तात्काळ उघडकीस आणला आहे. सदर आरोपीस मा. न्यायालयाने पाच दिवसांची पोलीस कस्टडी रिमांड मजुर केले आहे.

सदरची कारवाई मा. पोलीस अधीक्षक राकेश ओला साहेब, मा. अप्पर पोलीस अधीक्षक श्रीरामपूर स्वाती भोर तसेच मा. उपविभागीय पोलीस अधिकारी, श्रीरामपूर विभाग श्रीरामपूर, डॉ. बसवराज शिवपुजे यांचे मार्गदर्शनाखाली पोलीस निरीक्षक, श्रीरामपूर शहर पोलीस स्टेशन, हर्षवर्धन गवळी, यांचेकडील तपास पथकातील पोसई/ समाधान सोळंके, मपोसई/ सुरेखा देवरे, सफौ. सुर्यवंशी, पोहेकॉ/ मच्छिंद्र शेलार, पोना/ भैरवनाथ अडागळे, पोना/ रघुवीर कारखेले, पोना/ सचिनकुमार बैसाने, पोकॉ/ राहुल नरवडे, पोकॉ/गौतम लगड, पोकों/ संभाजी खरात, पोकों/ आकाश वाघमारे, मपोकॉ/ अरुणा पवार, मपोकॉ/ अचर्णा बर्डे यांनी केली असुन दाखल गुन्हयाचा अधिक तपास पोलीस निरीक्षक हर्षवर्धन गवळी साो हे करीत
आहेत.