राज्य उत्पादन शुल्कच्या भरारी पथकाची गोंधवनी व देवळाली प्रवरा येथे हातभट्टी गावठी दारू निर्मिती करणाऱ्या केंद्रांवर मोठी कारवाई

विशेष प्रतिनिधी / इनायत अत्तार : मा.अधीक्षक राज्य उत्पादन शुल्क, अहमदनगर यांच्या आदेशानुसार विशेष मोहिमेच्या अनुषंगाने निरीक्षक राज्य उत्पादन शुल्क, भरारी पथक क्र २ श्रीरामपुर यांची गोंधवनी ता. श्रीरामपुर व देवळाली प्रवरा ता. राहरी या ठिकाणी हातभट्टी गावठी दारू निर्मिती करणाऱ्या केंद्रांवर मोठी कारवाई करण्यात आली आहॆ.

दिनांक ३०/०५/२०२४ रोजी भरारी पथक क्र. २ श्रीरामपूर निरीक्षक राज्य उत्पादन शुल्क विभागाने हातभट्टी निर्मिती व विक्री ठिकाणी विशेष मोहिमेच्या अनुषंगाने_गुन्हा अन्वेषण मोहीम राबवून गोंधवनी ता. श्रीरामपूर व देवळाली प्रवरा, ता. राहुरी येथे हातभट्टी गावठी दारू निर्मिती करणाऱ्या केंद्रावर छापे टाकून अवैध हातभट्टी निर्मिती ठिकाणे नष्ट केल्याची माहिती राज्य उत्पादन शुल्क भरारी पथक क्र. २ श्रीरामपूर चे निरीक्षक श्री अनुपकुमार देशमाने यांनी दिली.

सदर कारवाई मध्ये एकूण १३ गुन्हे नोंद करण्यात आले असून ५६९ ली. हातभट्टी गावठी दारू व १८,५१५ ली रसायन नष्ट करण्यात आले. सदर मुद्देमालाची एकूण किंमत रु.८,४१,६०५/-रु इतकी आहे. सदर कारवाईत एकूण १३ आरोपी वर महाराष्ट्र दारूबंदी कायदा १९४९ नुसार गुन्हा नोंद करण्यात आला आहे.

सदरील कारवाई श्री. डॉ. विजय सूर्यवंशी, आयुक्त, राज्य उत्पादन शुल्क, म.रा मुंबई, श्री सागर धोमकर विभागीय उपआयुक्त पुणे विभाग पुणे, श्री. प्रमोद सोनोने, अधीक्षक, अहमदनगर, श्री. प्रवीण कुमार तेली, उपअधीक्षक, अहमदनगर यांचे मार्गदर्शनाखाली श्री. अनुपकुमार देशमाने, निरीक्षक, भरारी पथक क्र. २ श्रीरामपूर, श्री. एस. के. सहस्त्रबुद्धे निरीक्षक, संगमनेर विभाग, श्री संजय हांडे निरीक्षक कोपरगाव विभाग, श्री संजय जाधव निरीक्षक श्रीरामपूर विभाग, दुय्यम निरीक्षक श्री. निलेश पालवे, श्री. चंद्रकांत रासकर, श्री. रायचंद गायकवाड, श्री. प्रशांत पाटील, श्री कृष्णा सुळे, श्री आर.ए. घोरपडे तसेच सहाय्यक दुय्यम निरीक्षक एस आर वाघ, बी.ई. भोर जवान सर्वश्री तौसिफ शेख, श्रीमती स्वाती फटांगरे, श्री. सचिन गुंजाळ, अनिल मेंगाळ, शुभम लवांडे, अमीन सय्यद, महिला जवान, श्रीमती वर्षा जाधव, श्रीमती सरस्वती वराट, श्रीमती रत्नमाला काळापहाड तसेच जवान नि वाहन चालक श्री संपत बिटके, सुशांत कासुळे यांनी सहभाग घेतला आहे. अवैध हातभट्टी गावठी दारू निर्मिती, वाहतूक, विक्री ठिकाणी व अवैध ढाबे यावर सातत्याने कारवाई केली जाणार असल्याची माहिती श्री अनुपकुमार देशमाने निरीक्षक, राज्य उत्पादन शुल्क भरारी पथक क्र २ श्रीरामपूर यांनी दिली आहे.